Өскелең ұрпақтың жаһандану жағдайында бәсекеге қабілетті болу ғана емес, қоршаған ортамен қарым-қатынаста болуды, табиғатпен үйлесімді өмір сүруді ерте жастан үйрету мақсатында "Қоқыстан өнерге" атты экологиялық байқау өткізілді. Байқауға қатысушылар қалдық заттардан композициялар жасады. Байқауға қатысқан барлық білім алушылар мақтау қағаздарымен марапатталды.

Шәкірттерін білім нәрімен сусындатып, тәлім-тәрбие арқылы жақсы қасиеттерді бойына дарытып, адамгершілікке бағыт-бағдар беруде ұстаздың еңбегі зор. Ұстаздар мерекесіне орай үлкен де, кіші де әр ұстаздың сіңірген еңбегі мен білімі, қамқорлығы үшін ризашылығын білдіреді. Сондай ризашылықтарын Алтын-арық бастауыш мектебінің шәкірттері де ұстаздарына арнаған өлең жолдары мен әндерімен білдірді.